حب style
الفصل الاول
من سنين طويله كان خالد وبنت عمه ندا الى اصغر منه بخمس سنين
علطول مع بعض من ساعه ما وعيت ندا على الدنيا وهى ملازمه خالد
على طول ندا وهى صغيره كانت حلوه اوى زى الملاك البرىء وكان
والدها بيأمن عليها مع خالد ودايما يقول والدها وعمها ندا لخالد وخالد لندا
لكن ندا كان ليها راى تانى خالد زى اخوها بالظبط وهو فعلا شكله كان
يدى اخوها اوى كبر خالد وكبر حبه لندا لكن ندا ولا هيه هنا
ندا بقى عمرها 15سنه وخالد 20سنه دخل خالد الجامعه بس لسه خالد بتاع
زمان بشكله الغريب الى ميديش سنه ابدا تحس انه خارج من فيلم ابيض
واسود قديم من ايام السينما الصامته
وندا دخلت اولى ثانوى وما أدراك ما اولى ثانوى ابتدت تبص لزمايلها
وتتعلم حجات كتير منهم وقررت انها تعمل نيو لوك وتتخلص من مظهرها
الطفولى ده وكانت دى البدايه الحقيقيه
ندا:بابا عايزه فلوس عشان اجيب لبس جديد
بابا:ok ياندا هخلى خالد يعدى عليكى بكره
ندا:اديك قلتها انا عايزه اتكلم معاك بخصوص خالد
بابا:ماله خالد
ندا:مش عايزه اروح معاه
بابا:ليه انتى ناسيه انكم مخطوبين
ندا:مخطوبين؟؟؟يعنى ايه مخطوبين انا أتخطب لخالد
وطبعا شاورت بصباعها على صوره خالد باحتقار
بابا:ليه يانوده ماله خالد
ندا:يابابا انا لا يمكن افكر فى خالد اساسا انت مابتشوفش بيلبس ايه ده كانه
دخل الجامعه من غير مايعدى على ثانوى دده بيلبس زى الاطفال
بابا وهو بيدارى ضحكه: ليه ياندا بس الكلام ده
ندا:يابابا انا لسه بادرى جدا على مافكر فى الى هتجوزه وطبعا مش هيكون
خالد
هنا ولقدر خالد العاثر كان لسه داخل البيت وسمع الى قالته ندا
المهم ...........ندا غيرت الاستيل بتاعها خالص وبقت بجد انسه شيك وفى
نفس ذات الوقت كانت حاله خالد متدهوره
After two years
ندا بقت 17 سنه وخالد 22سنه ندا كل يوم على الاقل ثلاثه بيمشو وراها
شباب طبعا ماهى اجمل بنت فى حيهم اما خالد فعلى الاقل ثلاث كلاب
بيمشو وراه طبعا ماهو اغرب شاب فى حيهم
ندا رايحه الجامعه يعنى حريه اكتر وللاسف خالد وندا بيتعاملو زى
الاغراب نادرا ما يقولوا سلام عليكم
طبعا فى واحد بيسال امال انا مين ودخلى ايه بالحكايه دى اقعد يافندى
منظرك وحش هقولكم انا رباب بنت خاله خالد وكان عمرى وقتها 14سنه
بس الحمد لله الامور ماشيه معايا تماموز
المهم اخيرا خالد اتصاحب على شباب كول ومكحرتين وكانو النجده عرفوا
حكايته وصعب عليهم وعجبهم زكائه فى الجامعه والدراسه وبس
بدات غرفه العمليات مش جراحه يا جماعه لا غرفه عمليات استخباريه
لتغير خالد وجعله نيس جاى او للى مبيفهمش عربى (nice guy)بس
الموضوع كان عايز خودعهالمهم الخدعه كانت ان خالد يسافر
سنتين سنه هيسافرها بجد وسنه ينفذ فيها الخطه بس مايكونش خالد
وفى هذه الاثناء دخلت نوده الجامعه وانبهرت زى ما حصل فى
اولى ثانوى بس الانبهار المره دى كان له طعم تانى اتصاحب عليها
نص بنات المدرج واتعرف عليها ثلاث اربع شباب المدرج وهى
سايقه الدلال بسرعه 180كيلو متر فى الساعه بس دلال من نوع
خاص بمعنى (تصد-ترد _تبتسم_تتجاهل)اتعرفت على شباب كتير
حبوها بس هيه ولا بصت لواحد منهم الا على انه اخوها الصغير
(كان ناقص تشترى لهم مصاصه لولى بوب)ماكنتش عايزه شباب
عقلها صغير او مش وسيم بالطريقه الى هيا بتحبها
عيزاه جذاب وسيم تحس انه راجل يسحق اى شى قدامه
نهايه الفصل الاول